රට පුරා පවතින අයහපත් කාලගුණික තත්ත්වය සහ එල් නිනෝ (El Niño) බලපෑම හේතුවෙන් දිස්ත්රික්ක රැසක ජනජීවිතයට දැඩි බලපෑම් එල්ල වී ඇති බව ආපදා කළමනාකරණ මධ්යස්ථානය (DMC) විසින් නිකුත් කළ නවතම වාර්තාවේ සඳහන් වේ.
අයහපත් කාලගුණය හේතුවෙන් දිස්ත්රික්ක 15ක ප්රාදේශීය ලේකම් කොට්ඨාශ 109ක පවුල් 4,282කට අයත් පුද්ගලයින් 16,795 දෙනෙකු පීඩාවට පත්ව සිටිති.
අයහපත් කාලගුණයේ ප්රධාන සංඛ්යාත්මක තොරතුරු:ජීවිත හානි සහ තුවාල ලැබීම්: කණ්ඩි කඩාවැටීම්, නායයෑම්, ජල පහරට හසුවීම්, මුහුදේ ගිලීම් සහ වන අලි පහරදීම් හේතුවෙන් මරණ 10ක් වාර්තා වී ඇති අතර පුද්ගලයින් 9 දෙනෙකු තුවාල ලබා ඇත.
වැඩිම මරණ සංඛ්යාවක් නුවරඑළිය දිස්ත්රික්කයෙන් (මරණ 6) වාර්තා වේ.
දේපළ හානි: නිවාස 04ක් පූර්ණ ලෙස විනාශ වී ඇති අතර නිවාස 775කට අර්ධ හානි සිදුවී තිබේ. වැඩිම බලපෑමක් වූ දිස්ත්රික්ක: පුද්ගලයින් 7,781 දෙනෙකු පීඩාවට පත් නුවරඑළිය දිස්ත්රික්කයට සහ පුද්ගලයින් 4,935 දෙනෙකු පීඩාවට පත් මහනුවර දිස්ත්රික්කයට දැඩි ලෙස හානි සිදුවී ඇත.
ප්රවාහන බාධා: රඹුක්කන සිට නානුඔය දක්වා උඩරට දුම්රිය ධාවනය සම්පූර්ණයෙන්ම අත්හිටුවා ඇති අතර (දුම්රිය ධාවනය වන්නේ නානුඔය සිට බදුල්ල දක්වා පමණි), මාතලේ රිවස්ටන් මාර්ගය සැහැල්ලු වාහන සඳහා පමණක් විවෘතව පවතී.
එල් නිනෝ බලපෑමෙන් දැඩි පානීය ජල අර්බුදයක්අයහපත් කාලගුණයට අමතරව දිවයිනේ පවතින එල් නිනෝ තත්ත්වය හේතුවෙන් දිස්ත්රික්ක 06ක ප්රාදේශීය ලේකම් කොට්ඨාශ 27ක පවුල් 27,175කට අයත් පුද්ගලයින් 86,788 දෙනෙකු දැඩි පානීය ජල හිඟයකට මුහුණ පා සිටිති.
මොණරාගල (පුද්ගලයින් 37,890) සහ මඩකලපුව (පුද්ගලයින් 28,523) යන දිස්ත්රික්ක එල් නිනෝ තත්ත්වයෙන් වඩාත්ම පීඩාවට පත්ව ඇති ප්රදේශ වේ. බලධාරීන් විසින් පීඩාවට පත් පවුල් 27,048ක් සඳහා බෝතල් කළ හෝ ටැංකි මගින් පානීය ජලය බෙදාහැරීමේ විශේෂ වැඩසටහනක් ක්රියාත්මක කර ඇත.
ඉදිරි කාලගුණ අනතුරු ඇඟවීම්කාලගුණ විද්යා දෙපාර්තමේන්තුව විසින් ඉදිරි පැය 24 සඳහා උතුරු, උතුරු-මැද, නැගෙනහිර පළාත් සහ මොනරාගල දිස්ත්රික්කයට අධික උණුසුම් කාලගුණ තත්ත්වයක් (Heat Index Advisory) පිළිබඳ “අවධානය යොමුකළ යුතු” මට්ටමේ අවවාදාත්මක නිවේදනයක් නිකුත් කර ඇත.
එමෙන්ම හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය පැ.කි.මී. 50-60 දක්වා වැඩිවිය හැකි බැවින් සහ මීටර් 2.0-3.0 දක්වා රළ උස යා හැකි බැවින් ධීවර හා නාවික ප්රජාවට විමසිලිමත් වන ලෙස දැනුම් දෙයි