සමාජ මාධ්ය (Facebook ඇතුළු) හරහා කාන්තාවන්ගේ සහ ළමුන්ගේ පෞද්ගලික ඡායාරූප හා වීඩියෝ දර්ශන මුදලට අලෙවි කිරීමේ සහ මිලදී ගැනීමේ මහා පරිමාණ ජාවාරමක් ක්රියාත්මක වන බවට තොරතුරු අනාවරණය වී තිබේ.
මේ පිළිබඳව කාන්තා හා ළමා කටයුතු අමාත්යාංශය, ශ්රී ලංකා පොලිස් ළමා හා කාන්තා කාර්යාංශය සහ පරිගණක අපරාධ විමර්ශන කොට්ඨාසය (CCID) එක්ව විශේෂ විමර්ශන ආරම්භ කර ඇත.
අවධානය යොමු කළ යුතු විශේෂ කරුණු:
- ව්යාජ ගිණුම් හරහා සමීපතමයන් සහ පවුලේම සාමාජිකයින්ගේ ඡායාරූප/වීඩියෝ පවා අලෙවි කිරීමට උත්සාහ කරන බව නිරීක්ෂණය වී ඇත.
- මෙවැනි සමූහ (Groups) බොහොමයක් විදේශ රටවල සිට මෙහෙයවනු ලබයි.
ඔබේ පවුලේ ආරක්ෂාව උදෙසා වහාම ක්රියාත්මක වන්න:
- දරුවන් සමාජ මාධ්ය තුළ ඇසුරු කරන මිතුරන් සහ ඔවුන්ගේ හැසිරීම් ගැන දැඩි අවධානයෙන් පසුවන්න.
- පෞද්ගලික ඡායාරූප හෝ වීඩියෝ කිසිදු හේතුවක් මත අන්තර්ජාලය හරහා හුවමාරු කර නොගන්න.
- ගිණුම්වල Privacy Settings ආරක්ෂිතව සකසා ගන්න.
උපකාර සහ නෛතික සහය ලබා ගැනීමට (ගාස්තු රහිතව): 📞 1929 – ජාතික ළමා රක්ෂක අධිකාරිය
📞 1938 – කාන්තා උපකාරක සේවාව
තවත් කෙනෙකු වින්දිතයෙකු වීම වැළැක්වීමට මෙම පණිවුඩය හැකි තරම් Share කරන්න!