වෙළෙඳපොළ ඒකාධිකාරිය බිඳ දමමින් ජනතාවට සහන සැලසීම සඳහා, හුදු තරගකාරීත්වයට පමණක් වෙළෙඳපොළ අත් නොහැර දත්ත සහ ඉලක්ක මත පදනම් වූ ශක්තිමත් මිල පාලන යාන්ත්රණයක් නිර්මාණය කරන බව ජනාධිපති අනුර කුමාර දිසානායක මහතා 2027 පූර්ව අයවැය සාකච්ඡාවේදී අවධාරණය කළේය.
රුපියල් මිලියන 5,000ක ත්රිපෝෂ ආයෝජනයක්: 2026 අයවැයෙන් වෙන් කළ මෙම ප්රතිපාදන හරහා පැය 24 පුරාම ත්රිපෝෂ නිෂ්පාදනය කරමින්, දිවයිනේ සියලුම සෞඛ්ය වෛද්ය නිලධාරී කාර්යාල වෙත බාධාවකින් තොරව බෙදා හැරේ.
මිලියන 10ක පොලිතින් කප්පාදුවක්: පාරිභෝගික සේවා අධිකාරියේ සක්රීය මැදිහත්වීමෙන් රට තුළ පොලිතින් භාවිතය මිලියන 26 සිට මිලියන 16 දක්වා දැවැන්ත ප්රමාණයකින් අඩු කර ඇත.
ප්රමාද වූ අයදුම්පත් 3,000කට ක්ෂණික විසඳුම්: සමාගම් රෙජිස්ට්රාර් දෙපාර්තමේන්තුවේ ගොඩගැසී ඇති සමාගම් ලියාපදිංචි කිරීමේ අයදුම්පත් 3,000ක කටයුතු වහාම අවසන් කිරීමට ජනපතිගෙන් දැඩි උපදෙස් ලබා දී තිබේ.
රටවල් 33ක් සමඟ සෘජු වෙළෙඳ සබඳතා: තානාපති සහ මහකොමසාරිස් කාර්යාල 33ක් හරහා මෙරට වාණිජ නිලධාරීන් සෘජුවම ජාත්යන්තර වෙළෙඳපොළ සහ අපනයන ඉලක්ක ජයගැනීමේ මෙහෙයුම් අරඹා ඇත.
කෝප් සිටි සහ මෙගා කෝප් සිටි 2,100ක ජාලයක්: ලංකා සතොස සහ මෙම දැවැන්ත සමුපකාර ජාලය වෙළෙඳපොළේ ප්රධාන කොටස්කරුවෙකු බවට පත් කරමින් පෞද්ගලික අංශයේ මිල ඒකාධිකාරිය පාලනය කෙරේ.
රුපියල් මිලියන 1,000ක සහල් සැකසුම් ව්යාපෘතියක්: ග්රාමීය මට්ටමේ සහල් සැකසුම් මධ්යස්ථාන ඉදිකිරීම සඳහා මෙම දැවැන්ත මුදල ආයෝජනය කර ඇත.
ගොවීන්ට නව ධාන්ය වියළන යන්ත්ර 45ක්: සහනදායී පදනම මත වී සහ ධාන්ය වේලා ගැනීම සඳහා ඉල්ලුම් කළ ආයතන 65න් තෝරාගත් ආයතන 45කට නව යන්ත්ර ලබා දීමට කටයුතු සූදානම් කර තිබේ.
පළාත් 9ටම තොග බෙදාහැරීමේ මධ්යස්ථාන 9ක්: ජාතික මට්ටමේ මෙම බෙදාහැරීමේ ජාලයේ කුරුණෑගල සහ මාතර මධ්යස්ථානවල ඉදිකිරීම් මේ වන විටත් සම්පූර්ණයෙන්ම අවසන් කර ඇත.
තරුණයින් සඳහා නව නිෂ්පාදන සමිති 34ක්: තරුණ ප්රජාව ඉලක්ක කර ගනිමින් සමූපකාර සංවර්ධන දෙපාර්තමේන්තුව යටතේ නව නිෂ්පාදන සමූපකාර සමිති 34ක් දැනටමත් ලියාපදිංචි කර ක්රියාත්මක වේ.
මෙම ඉලක්කගත ප්රතිසංස්කරණවලට අමතරව ලොකු ළූණු සහ බඩඉරිඟු ගොවීන් වෙනුවෙන් නව ආර්ථික වැඩපිළිවෙළක් ද, 2027 අයවැය යටතේ බණ්ඩාරවෙල සහ මාතලේ නව ආර්ථික මධ්යස්ථාන ඉදිකිරීමට ද රජය සැලසුම් කර ඇත.