සාමාන්ය පෙළ සමත්-අසමත් භේදය අවසන්: දහස් ගණනකගේ විදේශ රැකියා සිහිනය සැබෑ කරන උසස් පෙළ වෘත්තීය විෂය ධාරාවට අයදුම්පත් කැඳවයි!
අ.පො.ස. සාමාන්ය පෙළ විභාගයේ ප්රතිඵලය කුමක් වුවත්, දිවයිනේ කිසිදු සිසුවෙකුට පාසල් අධ්යාපනය අතරමඟ නතර කිරීමට සිදු නොවන පරිදි ක්රියාත්මක “දහතුන් වසරක සහතික කළ අධ්යාපන” වැඩසටහන යටතේ 2026/2027 අධ්යයන වර්ෂය සඳහා 12 ශ්රේණියට නවක සිසුන් බඳවා ගැනීමේ දීපව්යාප්ත මෙහෙයුම අධ්යාපන, උසස් අධ්යාපන හා වෘත්තීය අධ්යාපන අමාත්යාංශය විසින් නිල වශයෙන් ආරම්භ කර ඇත.
ඒ අනුව, 2025 (2026) වසරේ හෝ පසුගිය වසර 3 ඇතුළත (2023, 2024, 2025) සාමාන්ය පෙළ විභාගයට පෙනී සිටි, සාම්ප්රදායික උසස් පෙළ විෂය ධාරාවන්ට සුදුසුකම් නොලැබූ හෝ වෘත්තීය ක්ෂේත්රයන්ට කැමැත්තක් දක්වන ඕනෑම සිසුවෙකුට මේ සඳහා අයදුම් කළ හැකිය.
ජූලි 08මෙම සුවිශේෂී අධ්යාපන අවස්ථාව සඳහා අයදුම්පත් භාරගන්නා අවසාන දිනය 2026 ජූලි මස 08 වනදායින් අවසන් වන බැවින්, කඩිනමින් තමන් ඇතුළත් වීමට අපේක්ෂිත පාසලේ විදුහල්පතිවරයා වෙත අයදුම්පත් යොමු කරන ලෙස අමාත්යාංශය සිසුන්ගෙන් සහ දෙමාපියන්ගෙන් ඉල්ලා සිටියි.
වෘත්තීය විෂය ධාරාවේ ක්රියාකාරීත්වයමෙම වැඩසටහන සම්පූර්ණයෙන්ම නොමිලේ ක්රියාත්මක වන අතර, එහි මූලික සැලැස්ම මෙසේය:අදියර / ශ්රේණියඅධ්යයන කාලය සහ ස්වභාවයලබාදෙන පුහුණුව / සහතිකය12 ශ්රේණිය (පාසල තුළ)මාස 12 ක මූලික අධ්යයන කාලයමෘදු කුසලතා (Soft Skills) සංවර්ධනය සහ වෘත්තීය ක්ෂේත්ර හඳුන්වාදීම.
13 ශ්රේණිය (ආයතනික)මාස 12 ක ප්රායෝගික පුහුණුවරජයේ වෘත්තීය පුහුණු ආයතනයක් සහ රැකියා ස්ථානීය පුහුණුව (On-the-job training).නිමාවෙන් පසුඅධ්යාපන සුදුසුකමදේශීය හා ජාත්යන්තරව පිළිගත් NVQ Level 4 සහතිකය
ක්ෂේත්ර 20 කට අධික ප්රමාණයක රැකියා වෙළඳපොළ විවෘතයිදේශීය මෙන්ම මැදපෙරදිග, යුරෝපය ඇතුළු විදේශීය රැකියා වෙළඳපොළේ ඉහළම ඉල්ලුමක් පවතින ප්රධාන වෘත්තීය ක්ෂේත්ර රැසක් යටතේ සිසුන්ට පුහුණුවීමට මෙහිදී අවස්ථාව සැලසේ.තාක්ෂණික අංශ: තොරතුරු තාක්ෂණය (IT), මෝටර් රථ/රථ වාහන තාක්ෂණය, විදුලිය හා ඉලෙක්ට්රොනික ශිල්පය, ලෝහ පිරිසැකසුම්කරණය, පෑස්සුම් ශිල්පය, ඉදිකිරීම් කර්මාන්තය.සේවා සහ සත්කාරක: සංචාරක හා ආගන්තුක සත්කාරය, ආහාර නිෂ්පාදනය, සෞඛ්ය හා සත්කාර සේවා, රූපලාවන්ය.නිර්මාණාත්මක සහ සෙසු: ප්රාසාංගික කලා, ගෘහ හා උද්යාන අලංකරණය, ඇඟලුම්, කෘෂි හා වැවිලි කර්මාන්තය, ජලජ සම්පත් තාක්ෂණය, ක්රීඩා සහ ජීවිතාරක්ෂක/කිමිදුම් ශිල්පය.
මෙමඟින් සාමාන්ය පෙළ අසමත් වූ දරුවෙකුට වුවද, කිසිදු පෞද්ගලික පන්ති ගාස්තුවකින් තොරව, රජයේ පූර්ණ අනුග්රහය ඇතිව වයස අවුරුදු 19-20 වන විට ස්ථාවර ආදායමක් සහිත වෘත්තිකයෙකු වීමේ සෘජු මාවත උදාවේ.අයදුම්පත් සහ අදාළ පාසල් ලේඛනය අධ්යාපන අමාත්යාංශයේ www.moe.gov.lk නිල වෙබ් අඩවියෙන් බාගත හැකිය. වැඩිදුර විස්තර ඉසුරුපාය පිහිටි “සැමට අධ්යාපන ශාඛාව” වෙතින් 0112 787136 හෝ 0112 786746 ඇමතීමෙන් ලබාගත හැක.