“ඩොලරයේ නාමික අගය කෘතිමයි! – රේගුව රු. 351ක් අය කරයි – රටේ ආර්ථිකය දැඩි අවුලක!”
“භාණ්ඩ මිල අහස උසට! – මහ බැංකුව සහ රේගුව අතර විනිමය ගැටලුව ජනතාව මත පටවයි!”
“ජනාධිපතිතුමනි, වහා මැදිහත් වන්න! – රේගුවේ සහ මහ බැංකුවේ පරස්පර විනිමය අනුපාත රටම වනසයි!”
“රාජ්ය ආයතන දෙකක මතභේදාත්මක විනිමය අනුපාත! – රටේ මූල්ය ස්ථාවරත්වය පිළිබඳව ආර්ථික විද්යාඥයෝ දැඩි කනස්සල්ලෙන්!”
ඩොලරයට ආයතන දෙකකින් මිල දෙකක්! මහ බැංකුවයි රේගුවයි රටම පටලවයි!
ජනපති සහ මැති ඇමතිවරුනි, ආර්ථික විද්යාඥයනි, වහා මැදිහත් වන්න! – ෆ්රී ලෝයර්ස් සංවිධානයෙන් රටම කැලඹූ හෙළිදරව්වක්.
ශ්රී ලංකා මහ බැංකුව සහ ශ්රී ලංකා රේගුව වැනි රටේ ප්රධානතම මූල්ය ආයතන දෙකක්, එකම ඩොලරය සඳහා එකිනෙකට වෙනස් විනිමය අනුපාතයන් භාවිතා කරමින් සමස්ත දේශීය ආර්ථිකයම දැඩි අවුලකට හා පටලැවිල්ලකට ලක් කර ඇතැයි ‘ෆ්රී ලෝයර්ස් සංවිධානය’ නිල නිවේදනයක් නිකුත් කරමින් ප්රබල චෝදනාවක් එල්ල කරයි.
එම සංවිධානයේ කැඳවුම්කරු, ජනාධිපති නීතිඥ මෛත්රී ගුණරත්න මහතා පෙන්වා දෙන්නේ රාජ්ය ආයතනවල පවතින මෙම ප්රතිපත්තිමය පරස්පරතාව හේතුවෙන් මෙරට පාරිභෝගික ජනතාව මෙන්ම සමස්ත ව්යාපාරික ප්රජාවද සූරාකෑමකට ලක්ව ඇති බවයි. මෙය ගරු ජනාධිපතිවරයා ප්රමුඛ අමාත්ය මණ්ඩලයේ මෙන්ම රටේ ආර්ථික විද්යාඥයන්ගේ වහාම අවධානයට ලක්විය යුතු, රටේම පැවැත්ම තීරණය කරන බරපතල ගැටලුවක් බව ඔහු අවධාරණය කරයි.
රුපියල් 351 ඉක්මවූ රේගුවේ රහස් ගැසට්ටුව!
මහ බැංකුව සහ වාණිජ බැංකු විසින් නිල වශයෙන් ප්රකාශයට පත් කර ඇති නාමික විනිමය අනුපාතයන් කුමක් වුවත්, ශ්රී ලංකා රේගුව විසින් 2026 මැයි 25 සිට මැයි 29 දක්වා කාලය සඳහා ඩොලරයක විනිමය අනුපාතය රුපියල් 351.17 ක් (සහ සමහර අවස්ථාවල 354.17 ක්) ලෙස සලකා සියලු බදු ගණනය කිරීම් සිදු කරන බව ගැසට් පත්රයක් මගින් ප්රකාශයට පත් කර ඇත.
“මහ බැංකුව අන්තර් බැංකු ඩොලර් හුවමාරුව හරහා කෘතිම ලෙස ඩොලරයේ අගය පහළ මට්ටමක පවත්වා ගැනීමට උත්සාහ දරනවා. නමුත්, රාජ්යයට ඉහළම ආදායමක් ලබා දෙන ශ්රී ලංකා රේගුව රටේ නිල විනිමය අනුපාතයට වඩා වැඩි අගයක් අය කරනවා. මේක පුදුමාකාර පටලැවිල්ලක්!”- ජනාධිපති නීතිඥ මෛත්රී ගුණරත්න මහතා පැවසීය.
ආර්ථික විද්යාඥයන්ගේ අවධානයට: මෙයින් සිදුවන විනාශය කුමක්ද? මේ ගැන ද ඔහු අදහස් කීය.
මෙම ද්විත්ව විනිමය ප්රතිපත්තිය හේතුවෙන් රටේ සමස්ත ආර්ථික ක්රියාවලියම විකෘති වී ඇති බව පෙන්වා දෙන ෆ්රී ලෝයර්ස් සංවිධානය, මෙයින් සිදුවන ප්රධාන හානිය මෙසේ පෙන්වා දෙයි.
රේගුව විසින් වැඩි විනිමය අනුපාතයක් මත බදු අය කිරීම නිසා, රටට අත්යවශ්ය ආහාර, ඖෂධ සහ අනෙකුත් ආනයනික භාණ්ඩවල මිල සෘජුවම ඉහළ යයි. එහි බර පැටවෙන්නේ අහිංසක මහජනතාව බවද ඔහු කිය.
නිල බැංකු අනුපාතය සහ රේගු අනුපාතය අතර පවතින මෙම දැවැන්ත පරතරය හේතුවෙන් ව්යාපාරිකයන් දැඩි අපහසුතාවයට පත්වන අතර, මෙය වක්රව කළු කඩ ව්යාපාර දිරිමත් කිරීම ක් බවද හෙතෙම ප්රකාශ කළේ ය.
ජනාධිපතිවරයාට සහ රජයට කෙරෙන බලකිරීමක් ගැන ද හෙතෙම අදහස් ප්රකාශ කළේ ය.
රටේ ආර්ථිකය ස්ථාවර මට්ටමක පවතින බව රජය පවසන පසුබිමක, රේගුව විසින් මෙලෙස ඉහළ අනුපාත බදු අය කිරීම බරපතල ප්රහේලිකාවකි. එබැවින් වහාම ක්රියාත්මක වන පරිදි මහ බැංකුවේ නිල විනිමය අනුපාතයට ගැළපෙන සේ රේගු ගනුදෙනු සඳහා වන අගය ද වහාම සංශෝධනය කිරීමට පියවර ගන්නා ලෙස ෆ්රී ලෝයර්ස් සංවිධානය ජනාධිපතිවරයාගෙන් සහ අදාළ බලධාරීන්ගෙන් දැඩිව ඉල්ලා සිටී.
එසේ නොමැති වුවහොත්, රාජ්ය ආයතන එකිනෙක පරස්පරව වැඩ කිරීමෙන් සිදුවන ආර්ථික බිඳවැටීමේ වගකීම රජය විසින් භාරගත යුතු බව එම සංවිධානය වැඩිදුරටත් කියා සිටියේ ය.