කෘෂිකර්ම දෙපාර්තමේන්තුවට අයත් දිගුකාලීනව නිරවුල් නොවී පැවති පැරණි අත්තිකාරම් ගිණුම් 04 කට අදාළ රුපියල් 65,091,884 ක (ආසන්න වශයෙන් රුපියල් මිලියන 65.09 ක) සමස්ත කාරක පාඩුව කපා හැරීමට රජයේ ගිණුම් පිළිබඳ කාරක සභාව (COPA) අනුමැතිය ලබා දී තිබේ.
පාර්ලිමේන්තු මන්ත්රී කබීර් හෂීම් මහතාගේ සභාපතිත්වයෙන් පසුගිය නොවැම්බර් 17 වැනිදා පාර්ලිමේන්තුවේදී රැස්වූ කාරක සභාව විසින් මෙම තීරණය ගෙන ඇත.
දශක තුනකට පමණ පෙර සිට පැවත එන මෙම ගිණුම්වල පාඩු සහ ශේෂ නොගැළපීම් පහත පරිදි නිරවුල් කිරීමට කාරක සභාව එකඟ විය:
කෘෂිකාර්මික අලුත්වැඩියා වැඩපළ අත්තිකාරම් ගිණුම: රුපියල් 35,700,000 (මිලියන 35.7)
1996 දී අවසන් කළ අර්තාපල් වගා ව්යාප්ත කිරීමේ වැඩසටහන: රුපියල් 23,970,000 (මිලියන 23.97)
වැලිසර කෘෂිකාර්මික වැඩපළ මෙහෙයවීමේ ගිණුම: රුපියල් 5,000,000 (මිලියන 5.0)
නාරාහේන්පිට කෘෂිකාර්මික මධ්යම බඩු ගබඩාව: රුපියල් 421,884
වසර 30 කට ආසන්න කාලයක් තිස්සේ නිරවුල් නොවී තිබූ 1996 අර්තාපල් වගා ව්යාපෘතියේ ගිණුම් ඇතුළු මෙම සියලු ගිණුම්වල ශේෂ වෙනස්කම් නිවැරදි කිරීමට කාරක සභාව අනුමැතිය දුන්නේය.
මෙවැනි මූල්ය අක්රමිකතා සහ ගිණුම් ගැටලු අනාගතයේදී ඇති වීම වැළැක්වීම සඳහා විධිමත් ගිණුම්කරණයක් පවත්වාගෙන යාම, නිසි විගණන ක්රියාවලියක් අනුගමනය කිරීම සහ දෙපාර්තමේන්තුවේ මූල්ය පාලනය දැඩි ලෙස ශක්තිමත් කිරීමේ අවශ්යතාව කාරක සභාව මෙහිදී දැඩිව අවධාරණය කළේය.
නියෝජ්ය අමාත්ය විශ්රාමික මේජර් ජෙනරාල් අරුණ ජයසේකර මහතා ඇතුළු පාර්ලිමේන්තු මන්ත්රීවරුන් 11 දෙනෙකුගේ සහභාගීත්වයෙන් මෙම කාරක සභා රැස්වීම පැවැත්විණි.

