පසුගිය වසර හත තුළ (2020–2026) ශ්‍රී ලංකාවේ වර්ෂාපතන රටාව පෙර නොවූ විරූ ලෙස උඩුයටිකුරු වී ඇති බව කාලගුණ විද්‍යා දෙපාර්තමේන්තුවේ, ජනලේඛන හා සංඛ්‍යාලේඛන දෙපාර්තමේන්තුවේ සහ ජාත්‍යන්තර දේශගුණික දත්ත පද්ධතිවල නවතම සංඛ්‍යාලේඛන මගින් අනාවරණය වී තිබේ.
2023 දී මි.මී. 2,237.04ක සහ 2024 දී මි.මී. 1,858.65ක දැවැන්ත වැසි ඇදහැළිණි. 2024 වසරේදී සියලු වාර්තා බිඳ හෙළමින් රත්නපුරයට මි.මී. 4,852.0ක් (සාමාන්‍යයට වඩා මි.මී. 1,102.8ක වැඩිවීමක්) සහ කොළඹට මි.මී. 3,442.3ක් (මි.මී. 1,018.5ක වැඩිවීමක්) ලැබී තිබේ. දශකයකට මි.මී. 170කින් ඉහළ යන කොළඹ වාර්ෂික වර්ෂාපතන ප්‍රවණතාව 2025 වන විට මි.මී. 2,900 සීමාවට ළඟා වී ඇත.
සාමාන්‍ය වර්ෂාපතනය මි.මී. 1,049.6ක් වූ ශුෂ්ක කලාපීය හම්බන්තොටට 2023 දී මි.මී. 2,041.9ක (දෙගුණයකට ආසන්න) වර්ෂාවක් ඇදහැළිණි. එම වසරේදීම ත්‍රිකුණාමලයට මි.මී. 2,261.7ක් සහ අනුරාධපුරයට මි.මී. 1,652.9ක් ලැබෙමින් වැව් අමුණු පිටාර ගැලූ අතර, යාපනයට 2021 දී මි.මී. 2,043.3ක් සහ 2024 දී මි.මී. 1,986.2ක් වාර්තා විය.
2026 නොවැම්බර් අනතුරු ඇඟවීම දත්ත සටහන ප්‍රබල ව සටහන් කර තිබේ. ඒ් අනුව පසුගිය මැයි මාසයේ පැය 24ක් තුළ රත්නපුරයට මි.මී. 197ක් සහ කටුනායකට මි.මී. 176ක් ඇදහැළිණි. පවතින ‘එල් නිනෝ’ බලපෑම හේතුවෙන් 2026 සැප්තැම්බර්–නොවැම්බර් දෙවන අන්තර් මෝසම් සමයේදී (විශේෂයෙන් කොළඹ, කළුතර, ගම්පහ, ගාල්ල සහ රත්නපුර දිස්ත්‍රික්කවල) කෙටි වේලාවකින් මි.මී. සිය ගණනක් ඇදහැළෙන තීව්‍ර ගිගුරුම් සහිත වැසි ඉහළ ගොස් තිබේ.
නොවැම්බර් ඉතිරි දිනවලදීත් තද වැසි අපේක්ෂා කෙරෙන බැවින් ගංවතුර සහ නායයෑම් අවදානම පිළිබඳව ජනතාව දැඩි විමසිල්ලෙන් පසුවිය යුතු බව සංඛ්‍යාලේඛන මගින් අනාවරණය වී තිබේ.