ත්රිකුණාමලය: ත්රිකුණාමලය තෙල් ටැංකි සංකීර්ණය සහ නව නල පද්ධතිය සංවර්ධනය කිරීමේ විශේෂ නිරීක්ෂණ චාරිකාවක වරාය, සිවිල් ගුවන්සේවා සහ බලශක්ති අමාත්ය අනුර කරුණාතිලක මහතා නිරත විය.
රටේ බලශක්ති සුරක්ෂිතතාව තහවුරු කරමින් ත්රිකුණාමලය කලාපීය ඉන්ධන බෙදාහැරීමේ මධ්යස්ථානයක් ලෙස සංවර්ධනය කිරීම මෙම ව්යාපෘතියේ ප්රධාන අරමුණයි.
ප්රධාන තොරතුරු සංක්ෂේපයෙන්:
නල පද්ධතිය: වරායට පැමිණෙන විශාල නෞකාවල සිට සෘජුවම ටැංකි වෙත ඉන්ධන ගෙන ඒම සඳහා නව නල පද්ධතියක් ස්ථාපිත කිරීමේ මූලික කටයුතු ඇරඹේ.
ටැංකි ප්රතිසංස්කරණය: ලංකා ඛණිජ තෙල් සංස්ථාව සතු ටැංකි අතුරින් 2ක වැඩ අවසන් අතර, තවත් ටැංකි 3ක් සඳහා ටෙන්ඩර් කැඳවා ඇත.
හිමිකාරිත්වය: සමස්ත ටැංකි 99න් 61ක් ලාංකීය-ඉන්දියානු ඒකාබද්ධ සමාගමට (TPTL) ද, 24ක් ලංකා ඛණිජ තෙල් සංස්ථාවට ද, 14ක් LIOC සමාගමට ද අයත් වේ.
මෙම චාරිකාව අතරතුරදී අමාත්යවරයා සහ ඉන්දියන් ඔයිල් සමාගමේ (LIOC) කළමනාකාර අධ්යක්ෂ කේ. රාඝු මහතා ඇතුළු නියෝජිතයන් අතර ද්වීපාර්ශ්වික සහයෝගීතාව ශක්තිමත් කරගැනීම පිළිබඳව ද විශේෂ සාකච්ඡාවක් පැවැත්විණි.