අද දුන්නොත් අද කරලා පෙන්වනවා!” – රට භාරගන්න දිලිත් ජයවීරගෙන් සෘජු අභියෝගයක්!
“2029 වෙනකම් ඉන්න ඕන නෑ, මේ මොහොතෙත් මම ලෑස්තියි” – මෙල්බර්න් හීදී දිලිත්ගෙන් පෙරළිකාර ප්රකාශයක්!
“ප්රශ්නය ඩොලර් නෙමෙයි, නායකත්වයේ විශ්වාසයයි” – ආර්ථික අර්බුදය පැය කිහිපයකින් විසඳන දිලිත්ගේ ‘රහස් ප්ලෑන’ මෙන්න!
ණය හිමියන් සහ IMF කොටු කරන ‘දිලිත්ගේ ක්රමය’ එළියට: “අපිට වඩා අපේ ණය හිමියන් අසරණයි!”
වත්මන් පාලකයන්ට පෞරුෂයත් නෑ, දැනුමත් නෑ! IMF එකෙන් රට අමාරුවේ දාලා – දිලිත් ජයවීර
“සංකීර්ණ ප්රශ්නවල මුල සරලයි” – ඕනෑම මොහොතක රට භාරගැනීමේ සර්වජන බලයේ වැඩපිළිවෙළ මෙල්බර්න් හිදී එළිදක්වයි!
IMF එකට බය නැති, ණය හිමියන් දණ ගස්වන දිලිත් ජයවීරගේ අලුත්ම ආර්ථික උපක්රමය මෙන්න!
“ලංකාවේ අර්බුදය පැය කිහිපයකින් විසඳන්න පුළුවන්” – මෙල්බර්න් හීදී දිලිත් ජයවීර රටටම ඇහෙන්න කියපු කතාව!
“අද දුන්නොත් අද කරනවා!” – ඩොලර් අර්බුදය පැය කිහිපයකින් විසඳන ‘දිලිත් ප්ලෑන්’ එක මෙල්බර්න් හිදී එළියට!
“වැඩපිළිවෙළක් තියෙනවා, ඕනෑම මොහොතක රට භාරගන්න මම සූදානම්. අද දුන්නොත් අද කරලා පෙන්වනවා,” යැයි සර්වජන බලයේ නායක, පාර්ලිමේන්තු මන්ත්රී දිලිත් ජයවීර මහතා දැඩි විශ්වාසයකින් යුතුව ප්රකාශ කළේ ය.
ඔහු මේ බව කියා සිටියේ ඕස්ට්රේලියාවේ මෙල්බර්න් නුවර Acacia Campus Theatre හි පැවැති ‘කැක්කුම Sri Lanka – Mingle with Dilith’ විශේෂ ජනහමුව අමතමිනි. වත්මන් ආර්ථික අර්බුදය හමුවේ 2029 වන තෙක් නොසිට, මේ මොහොතේම රටේ නායකත්වය පිරිනැමුණහොත් ඊට මුහුණ දෙන්නේ කෙසේදැයි එහිදී නැගුණු සෘජු ප්රශ්නයකට පිළිතුරු දෙමින් මන්ත්රීවරයා මේ බව අවධාරණය කළේය.
“ප්රශ්නය ඩොලර් නෙමෙයි, නායකත්වයේ විශ්වාසයයි”
රට මුහුණ දී ඇති සැබෑ අර්බුදය පිළිබඳව නව විග්රහයක් කරමින් දිලිත් ජයවීර මහතා කියා සිටියේ, වත්මන් ආර්ථිකයට එල්ල වී ඇති අංක එකේ පීඩනය ඩොලර් අර්බුදය වුවද, එහි සැබෑ මුල පවතින්නේ වෙනත් තැනක බවයි.
“අද නැතිවෙලා තියෙන්නේ මේ රටට නායකත්වය ගැන තියෙන විශ්වාසය මිසක් ඩොලර් නෙමෙයි. මේ විශ්වාසය ගොඩනගන්න පුළුවන් පැය ගානක් ඇතුළත. ඒකට ජනතාව එක්ක සත්යවාදී, අවංක දෙබසක් (සංවාදයක්) ආරම්භ කරන්න ඕනේ,” යැයි ඔහු පැවසීය.
තවදුරටත් අර්බුදයට හේතුව අන් අය පිට පැටවීමෙන් රට ගොඩගත නොහැකි බවත්, සැබෑ නායකයෙකු වගකීම් සහගතව සත්යය ප්රකාශ කළ යුතු බවත් ඔහු පෙන්වා දුන්නේය.
ණය හිමියන් සහ IMF ගැන පෙරළිකාර ප්රකාශයක්
ශ්රී ලංකාව මේ වන විට ජාත්යන්තර මූල්ය අරමුදල (IMF) සහ ණය හිමියන් ඉදිරියේ කටයුතු කරන ආකාරය දැඩි විවේචනයට ලක් කළ ජයවීර ව්යාපාරික ලෝකයේ ප්රායෝගික යථාර්ථය මෙසේ පැහැදිලි කළේය.
අපි තේරුම් ගන්න ඕන අපේ ණය හිමියන් අපිට වඩා අසරණ තත්ත්වයක ඉන්නවා අපෙන් ණය අය කරගන්න. බැංකුවට ඕන විදිහට විතරක් ව්යාපාරයක් කරන්න බැහැ. අපි මේ තත්ත්වය අපේ වාසියට පාවිච්චි කරලා නැහැ.”
IMF වැඩසටහනේ දුර්වලතාව ගැන ද හෙතෙම අදහස් ප්රකාශ කළේ ය.
“මම IMF විරෝධියෙක් නෙමෙයි. හැබැයි අද රට මේ තත්ත්වයට වැටිලා තියෙන්නේ මේ ගෙනියන IMF ප්රෝග්රෑම් එක නිසයි. ඒකෙන් උපරිම වාසි ගන්න තරම් ශක්තියක්, පෞරුෂයක් සහ දැනීමක් වත්මන් පාලකයන්ට නැහැ.” යැයි දිලිත් කීය.