අපි මේක කරන්නේ නමට නෙවෙයි. නාගරික සංවර්ධන අධිකාරිය සහ මහ නගර සභාව එක්ව කොළඹ නගරයේ හදවත බඳු බේරේ වැව සහ Floating Market පරිශ්රය ලෝක මට්ටමේ සංචාරක ආකර්ෂණයක් වන පරිදි තිරසර ලෙස සංවර්ධනය කරනවා.” යනුවෙන් අමාත්යවරයා වැඩිදුරටත් පැවසීය.
පිටකොටුව Floating Market මර උගුලක් බවට පත්වෙලා: දේශපාලන තීන්දු නිසා විනාශ වූ ව්යාපෘතිය නගාසිටුවීමට නියෝජ්ය අමාත්ය එරංග ගුණසේකරගෙන් කඩිනම් පියවර!
කොළඹ Floating Market ‘පාවෙන අපායක්’ කළ වගකිවයුත්තන් හෙළිවේ: බේරේ වැව සංවර්ධනයට නව සැලසුමක්!
බේරේ වැව සහ Floating Market පරිශ්රයට නව පණක්: අනාරක්ෂිත ඉදිකිරීම් ඉවත් කර ලෝක මට්ටමේ සංවර්ධනයකට මග පාදයි.
@ පාවෙන නගරය ‘පාවෙන අපායක්’ වෙලා: බේරේ වැව සහ Floating Market යළි ගොඩනැගීමට දැවැන්ත මෙහෙයුමක්!
රුපියල් මිලියන ගණනක මහජන ධනය වැය කර කොළඹ නගරයට අලංකාරයක් එක් කිරීමට ඉදිකළ ‘පිටකොටුව පාවෙන වෙළඳ සංකීර්ණය’ (Floating Market), අද වන විට මාරක බියකල්පිත ‘අපායක්’ බවට පත්ව ඇතැයි නාගරික සංවර්ධන නියෝජ්ය අමාත්ය එරංග ගුණසේකර මහතා පවසයි.
අමාත්යවරයා අවධාරණය කළේ, වසර ගණනාවක දේශපාලනික අදූරදර්ශී තීන්දු සහ නිසි නඩත්තුවක් නොමැතිකම හේතුවෙන් මෙම ව්යාපෘතිය සම්පූර්ණයෙන්ම කඩාවැටී ඇති බවයි.
ඛේදවාචකයේ සංඛ්යාත්මක දත්ත: 92 සිට 16 දක්වා පහතට!
වාර්තා වන දත්තවලට අනුව මෙම ව්යාපෘතියේ බිහිසුණු පසුබෑම මෙසේය:
වෙළඳසැල් ධාරිතාව: 2014 දී ආරම්භ කරන විට වෙළඳසැල් 92ක් පැවතිණි.
වත්මන් තත්ත්වය මෙන්න.අද වන විට ක්රියාත්මක වන්නේ වෙළඳසැල් 16ක් පමණි. (80% කට වඩා වැසී ගොස් ඇත).
පාරිසරික බලපෑම මෙසේය. හෙක්ටයාර් 65ක් පුරා විහිදී ඇති බේරේ වැව දැඩි ලෙස අපවිත්ර වී සෞඛ්ය ගැටලු මතු කරමින් පවතී.
විදුලි පද්ධතිය සම්පූර්ණයෙන්ම අක්රිය වී ඇති අතර, දැව හා ලෝහ ඉදිකිරීම් දිරාපත්වීමෙන් ඕනෑම මොහොතක අනතුරක් සිදුවිය හැකි ‘මර උගුලක්’ බවට පත්ව ඇත.
පාවෙන නගරය ‘අපරාධ කලාපයක්’ ද? ඇමති මාධ්යට කියයි!
මහජනතාවට බැස්ටියන් මාවත සහ ඩී.ආර්. විජේවර්ධන මාවත යා කරන කෙටි මාර්ගයක් ලෙස භාවිත වූ මෙම පරිශ්රය, අද වන විට විදුලි ආලෝකය නොමැතිකම නිසා විවිධ දුරාචාර හා අපරාධ සිදුවන ස්ථානයක් බවට පත්ව තිබේ. පාලම්වල අත්වැටවල් හා යකඩ තහඩු ගැලවී ගොස් තිබීම දුම්රිය හා බස් මගීන්ගේ ආරක්ෂාවට දැඩි තර්ජනයකි.
යළි පණ දීමේ ‘මාස තුනේ’ සැලසුම ගැන ඇමතිවරයා අදහස් දැක්විය.
පවතින විනාශකාරී තත්ත්වයට වහාම තිත තැබීමට නියෝජ්ය අමාත්යවරයා විසින් නිලධාරීන්ට දැඩි උපදෙස් මාලාවක් නිකුත් කරන ලදී:
කඩිනම් පිරිසිදු කිරීම පියවර ගන්නා බව ඇමති වරයා කීය. ශ්රී ලංකා ඉඩම් සංවර්ධනය කිරීමේ සංස්ථාව මගින් දෛනිකව බේරේ වැව මතුපිට අපද්රව්ය ඉවත් කිරීම සිදු කරන බවත් අනතුරුදායක ස්ථානවලට වහාම ප්රතිකර්ම යෙදීම සහ භාෂා තුනෙන්ම අනතුරු ඇඟවීමේ පුවරු සවි කිරීම ද සිදුකරන බව හෙතෙම කීය.
කලාදූවේ බුබ්බුලාකාර සෙවණ සහ දිරාපත් වූ රැහැන් පාලම් නවීන තාක්ෂණය යොදාගනිමින් යළිත් ප්රමිතියෙන් යුතුව ඉදිකිරීම.
මෙම නිරීක්ෂණ චාරිකාව සඳහා නාගරික සංවර්ධන අධිකාරියේ සභාපති එම්.ජී. හේමචන්ද්ර මහතා ඇතුළු ඉංජිනේරුවන් සහ නිලධාරීන් කණ්ඩායමක් එක්ව සිටියහ.