ජනතාව බදු බරින් මිරිකෙද්දී, කෝටි 75ක මහජන මුදල් හැකර්වරුන් අතට! මාස 5ක් තිස්සේ පාර්ලිමේන්තුවටත් හොරා වැසූ මූල්ය මංකොල්ලය මෙන්න!
ඩිජිටල් සිහින මැවූ මාලිමාවේ ‘ඇවිදින පුස්තකාල’ හැකර්වරුන්ට අහුවේ: මහබැංකුවේ අනතුරු ඇඟවීම් නොතකා කළ ඩොලර් මිලියන 2.5ක මහා පාවාදීම!
රටේ ඩොලර් මිලියන 2.5ක් අතුරුදන්! ආණ්ඩුව හැකර්වරුන්ට පරාදයි – සජිත්ගෙන් දැවැන්ත අනාවරණයක්!
රජයේ දැවැන්ත මූල්ය නොසලකා හැරීමකින් ඩොලර් මිලියන 2.5ක් හැකර්වරුන් අතට!
ශ්රී ලංකා රජය විසින් ඕස්ට්රේලියාවට ගෙවීමට තිබූ ඇමරිකානු ඩොලර් ලක්ෂ 25ක (රුපියල් කෝටි 75කට අධික) දැවැන්ත මුදලක් සයිබර් හැකර්වරුන් විසින් සොරාගෙන ඇති බව විපක්ෂ නායක සජිත් ප්රේමදාස මහතා අද විශේෂ ප්රකාශයක් කරමින් අනාවරණය කළේය.
මාස 5ක රහසක්: පසුගිය ජනවාරි මාසයේ සිදු වූ මෙම මූල්ය මංකොල්ලය, රජය සහ මුදල් අමාත්යාංශය විසින් මෙතෙක් කල් පාර්ලිමේන්තුවෙන් සහ ජනතාවගෙන් හිතාමතාම සඟවා ඇති බවට චෝදනා එල්ල වේ.
බැංකු පද්ධතියේ පවතින මූලික සයිබර් ආරක්ෂණ ක්රමවේද (Email Verification & Indemnities) අනුගමනය කිරීමට රාජ්ය ණය කළමනාකරණ ආයතනය අපොහොසත් වීම නිසා මෙම විනාශය සිදු වී ඇත.
මූල්ය ගනුදෙනුවලදී ආරක්ෂිත වන්නැයි මහබැංකුව අවස්ථා කිහිපයකදී අනතුරු ඇඟවූවත්, වගකිවයුතු ආයතන ඒවා කුණු කූඩයට දමා ඇති බව හෙළි වේ.
“ඩිජිටල් රටක්” සහ “සුහුරු පාලනයක්” ගැන වේදිකාවල පුරසාරම් දොඩන රජය, රටේ සාංගික දේපළ හැකර්වරුන්ට “පිට්පොකට්” ගැසීමට ඉඩ දී බලා සිටින “වැඩබැරි රජයක්” බවට විපක්ෂ නායකවරයා දැඩිව චෝදනා කරයි.
ජනතාවගේ බදු මුදල් මෙසේ විනාශ වීමට ඉඩ හැරියේ කවුද? අහිමි වූ කෝටි ගණනක මුදලට වන්දි ගෙවන්නේ කවුද? යන්න පිළිබඳව වහාම ස්වාධීන පරීක්ෂණයක් අවශ්ය බව අවධාරණය කෙරේ.
“ඇවිදින පුස්තකාල කියා බලයට ඇවිත්, අන්තිමේදී රටේ සල්ලි ටික හැකර්වරුන්ට පූජා කළ වැඩබැරි ආණ්ඩුව මේ පාඩුව ජනතාව පිට පටවන්න හදන්නේද?” – විපක්ෂ නායක සජිත් ප්රේමදාස මහතා පැවසීය.
මෙය හුදු මූල්ය පාඩුවක් පමණක් නොව, රටේ ජාතික ආරක්ෂාව සහ මූල්ය ස්වෛරීභාවය පිළිබඳ බරපතල ප්රශ්නාර්ථයක් බවද හෙතෙම කීය.