– අක්කරපත්තුව රෝහල මැදදී අල්ලස් දැලට හසුවේ
– 119 පැමිණිල්ල අකුලා ගන්න රුපියල් 5,000 ක ගනුදෙනුවක්
අම්මා වැටුණු අනතුර ‘යට ගහන්න‘ ගිය සැරයන් රෝහල මැදදීම අල්ලස් දැලට!
රුපියල් 4,000කට වෘත්තීය ගරුත්වය පාවා දුන් අක්කරපත්තුවේ සැරයන් මාට්ටු!
නීතිය නවන ‘හාරදහසේ‘ අල්ලස: අම්මාගේ අනතුර හංගන්න ගිය පොලිස් සැරයන් අත්අඩංගුවට!
අල්ලස් දැල රෝහල මැද එළෙයි: මවගේ අනතුරෙන් මුදල් හෙව්වේ සැරයන්වරයෙක්!
119 පැමිණිල්ල ‘මැකීමේ‘ ගාස්තුව රු. 5,000යි: අල්ලස් නිලධාරීන් සැරයන්වරයාව කොටු කරගත් හැටි!
අක්කරපත්තුව ප්රදේශයේ ව්යාපාරිකයකු පදවන ලද යතුරු පැදියකින් ඔහුගේ මව ඇද වැටී සිදුවූ රිය අනතුරකට අදාළ නීතිමය පියවර නොගෙන සිටීම සඳහා රුපියල් 4,000 ක අල්ලස් මුදලක් ලබාගත් අක්කරපත්තුව පොලිස් ස්ථානයේ රථ වාහන අංශයට අනුයුක්ත පොලිස් සැරයන්වරයකු අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගනු ලැබීය.
මෙම අත්අඩංගුවට ගැනීම සිදුව ඇත්තේ අක්කරපත්තුව රෝහල් පරිශ්රය තුළ දී ය.
අදාළ ව්යාපාරිකයා පදවන ලද යතුරු පැදියෙන් ඔහුගේ මව වැටීම සම්බන්ධව 119 හදිසි ඇමතුම් අංශයට පැමිණිල්ලක් ලැබී තිබුණි. ඒ සම්බන්ධයෙන් ප්රකාශයක් ලබාගෙන නීතිමය කටයුතු සිදු නොකිරීමටත්, පොලිස් භාරයට ගත් රියදුරු බලපත්රය නැවත ලබාදීමටත් සැකකාර සැරයන්වරයා රුපියල් 5,000 ක මුදලක් ඉල්ලා ඇත.
මුලින් රුපියල් 1,000 ක මුදලක් ලබාගෙන රියදුරු බලපත්රය ව්යාපාරිකයා වෙත මුදා හැර ඇති සැකකරු, ඉතිරි රුපියල් 4,000 ක මුදල ලබා ගැනීමට යාමේදී මෙසේ අල්ලස් නිලධාරීන්ගේ දැලට හසුවී තිබේ. දින පෙරවරු 10.12 ට පමණ අක්කරපත්තුව රෝහල තුළදී මෙම මුදල ලබා ගන්නා අවස්ථාවේදීම විමර්ශන නිලධාරීන් සැකකරු අත්අඩංගුවට ගෙන ඇත.
අත්අඩංගුවට ගත් සැකකාර පොලිස් සැරයන්වරයා අක්කරපත්තුව මහේස්ත්රාත් අධිකරණය වෙත ඉදිරිපත් කිරීමට නියමිතව තිබුණි. අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන ඒකකය වැඩිදුර පරීක්ෂණ පවත්වයි.