සේවක අර්ථසාධක අරමුදල (EPF) ඩිජිටල්කරණයේ
ඓතිහාසික පියවරක් තබයි: සේවාවන් රැසක් දැන් මාර්ගගතව!
ඓතිහාසික පියවරක් තබයි: සේවාවන් රැසක් දැන් මාර්ගගතව!කොළඹ, දෙසැම්බර් 29 — ‘පොහොසත් රටක් – ලස්සන ජීවිතයක්‘ රජයේ ප්රතිපත්ති ප්රකාශනයට අනුව මෙරට රාජ්ය සේවය ඩිජිටල්කරණය කිරීමේ තීරණාත්මක පියවරක් තබමින්, සේවක අර්ථසාධක අරමුදල (EPF) සිය සේවාවන් රැසක් ඩිජිටල් මෘදුකාංගයක් හරහා ජනතාවට විවෘත කිරීමට අද (29) පියවර ගත්තේය.
මෙම නව ‘ඩිජිටල් ඊපීඑෆ් මෘදුකාංගය‘ හඳුන්වා දීමේ නිල උත්සවය කොළඹ කම්කරු මහලේකම් කාර්යාලයේදී පැවැත්වුණේ කම්කරු අමාත්ය ආචාර්ය අනිල් ජයන්ත ප්රනාන්දු සහ කම්කරු නියෝජ්ය අමාත්ය මහින්ද ජයසිංහ යන මහත්වරුන්ගේ ප්රධානත්වයෙනි.
නිවසේ සිටම ලබාගත හැකි නව සේවාවන්
මෙම නව මෘදුකාංගය හඳුන්වා දීමත් සමඟ සේවායෝජකයන්ට සහ සේවකයන්ට කම්කරු කාර්යාල වෙත පැමිණීමෙන් තොරව තම කාර්යාලයේ හෝ නිවසේ සිටම පහත සේවාවන් මාර්ගගතව (Online) ඉටු කර ගැනීමට අවස්ථාව ලැබේ:
නව සමාගම් ලියාපදිංචි කිරීම සහ ලියාපදිංචිය අලුත් කිරීම.
සේවකයන් සඳහා වන විවිධ පෝරම භාරදීම.
ඡායාරූප ලබාදීම සහ බී-කාඩ්පත් (B-Cards) ලබා ගැනීම.
ආයතනයකින් තවත් ආයතනයකට මාරුවීමේදී සිදුවන ක්රියා පටිපාටි සම්පූර්ණ කිරීම.
ඩිජිටල්කරණයේ අවශ්යතාවය
දත්තවලට අනුව, වාර්ෂිකව අලුතින් ලියාපදිංචි වන ව්යාපාර සංඛ්යාව 9,000කට අධිකය. එසේම, දෛනිකව සේවාවන් ලබා ගැනීම සඳහා 1,400ක පමණ පිරිසක් කම්කරු කාර්යාල වෙත පැමිණෙන අතර, වාර්ෂිකව එම සංඛ්යාව ලක්ෂ 6 ඉක්මවයි. මෙම නව පද්ධතිය හරහා එම පිරිසට කාලය සහ මුදල් ඉතිරි කර ගැනීමට මනා පිටිවහලක් ලැබෙනු ඇත.
“ජාතික නිෂ්පාදන ක්රියාවලිය සහ කම්කරු විෂය පථය අතර සෘජු සම්බන්ධයක් පවතිනවා. තාක්ෂණය භාවිත කිරීම හරහා නිෂ්පාදන ක්ෂේත්රයේ ඵලදායිතාව සහ කාර්යක්ෂමතාව ඉහළ නැංවිය හැකියි.” — ආචාර්ය අනිල් ජයන්ත ප්රනාන්දු, කම්කරු අමාත්ය
ඩිජිටල් ආර්ථිකයක් කරා
මෙහිදී අදහස් දැක්වූ නියෝජ්ය අමාත්ය මහින්ද ජයසිංහ මහතා සඳහන් කළේ, ලබන වසරේ අයවැයෙන් ඩිජිටල්කරණය වෙනුවෙන් රුපියල් මිලියන 25,500ක් වෙන් කර ඇති බවයි. එය ශක්තිමත් ඩිජිටල් ආර්ථිකයක් ගොඩනැගීමට රජය දක්වන ප්රමුඛතාවය පෙන්නුම් කරන්නක් බව හෙතෙම පැවසීය.
මෙම අවස්ථාවට කම්කරු කොමසාරිස් ජනරාල් නදීකා වටලියද්ද මහත්මිය, අමාත්යංශ ලේකම් එස්.එම්. පියතිස්ස මහතා ඇතුළු නිලධාරීන් පිරිසක් එක්ව සිටියහ.
වාර්තාකරණය: මාධ්යවේදී නුවන් ප්රසන්න සුමනරත්න මාධ්යවේදී යොහාන් රසිඳු
ඕනෑම අයකුට 2026 ජනවාරි මස 20 දිනට පෙර ඔබගේ අයදුම්පත පිරවීමට හැක
සම්පූර්ණයෙන්ම නොමිලේ පුහුණුව! ජනමාධ්ය ආචාර ධර්මය සහ නවක සන්නිවේදක පුහුණු වැඩසටහන(Certificate in Introductory Media Communication Ethics) https://newsandimage.org/media-studies-training/
News and Image සංවිධානයේ වෙබ් අඩවියෙහි ඇති මාධ්ය අධ්යයන පුහුණුව යන ස්ථානයේ ක්ලික් කර එහි අදාළ අයදුම්පත පුරවා එහි සාමාජිකත්වය තහවුරු කරන්න. එමගින් ඔබට වැඩසටහනේ ලියාපදිංචි අයදුම්කරුවෙක් බවට පත්විය හැක.