පාසල් නිවාඩුව අදින් ඇරඹෙයි: යළි පැවැත්වෙන දිනය මෙන්න
රජයේ සහ රජයේ අනුමත පෞද්ගලික පාසල් සඳහා වන නිවාඩු කාලසීමාව සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබේ.
ඒ අනුව, සිංහල හා දෙමළ පාසල්වල පළමු පාසල් වාරය සහ මුස්ලිම් පාසල්වල පළමු වාරයේ තෙවන අදියර අද (අප්රේල් 10) දිනයෙන් අවසන් වන බව අමාත්යාංශය තහවුරු කරයි.
නිවාඩු ආරම්භය: අද (අප්රේල් 10) පාසල් පැවැත්වීමෙන් අනතුරුව.
යළි පාසල් ආරම්භය: අප්රේල් 20 වන සඳුදා.
අදාළ පාසල්: දිවයිනේ සියලුම රජයේ පාසල් සහ රජයේ අනුමත පෞද්ගලික පාසල්.
මෙම නිවාඩුව එළඹෙන සිංහල හා හින්දු අලුත් අවුරුදු උත්සව සමය වෙනුවෙන් ලබා දී ඇති අතර, සති එකහමාරකට ආසන්න කාලයකින් පසු නැවත දෙවන වාරයේ කටයුතු සඳහා පාසල් විවෘත වීමට නියමිතය.