කුලී පිරිවැය කපාහරිමින් සුවසැරිය මූලස්ථානය කොළඹ 07ට: 2026 වන විට පොලිස් ස්ථාන 400කට සේවාව ව්යාප්ත කෙරේ.
ව්යාපෘති අතරමඟ නතර කරන සංස්කෘතියට තිත: සුවසැරිය ස්ථාවර කරමින් අමාත්ය නලින්ද ජයතිස්සගෙන් හර්ෂ ද සිල්වාටත් ඉන්දියාවටත් ප්රණාමය!
දිනකට ජීවිත 1,050ක් රකින සුවසැරියට වසර 10යි: මිලියන 25ක් ඉතිරි කරමින් ප්රධාන කාර්යාලය රජයේ ගොඩනැගිල්ලක ස්ථාපිත කෙරේ.
සුවසැරිය නව පරිශ්රයකට: වසරකට රුපියල් මිලියන 25ක් ඉතිරි වෙයි
ශ්රී ලංකාවේ ප්රමුඛතම පූර්ව රෝහල් හදිසි සත්කාරක සේවාව වන “1990 සුවසැරිය” ගිලන් රථ සේවාවේ නව ප්රධාන කාර්යාලය අද දින කොළඹ 07, හෝර්ටන් පෙදෙසේදී විවෘත විය. සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් පැවැති මෙම උත්සවයේදී අනාවරණය වූ වැදගත් කරුණු කිහිපයකි.
රාජගිරිය ප්රදේශයේ පෞද්ගලික ගොඩනැගිල්ලක පවත්වාගෙන ගිය කාර්යාලය රජයේ ගොඩනැගිල්ලකට ගෙනයාම හරහා වාර්ෂිකව රුපියල් මිලියන 25 ක කුලී පිරිවැයක් ඉතිරි කර ගැනීමට හැකි වී ඇත.
දැනට දිවයින පුරා ගිලන් රථ 322 ක් ක්රියාත්මක වන අතර, ඉන් ගිලන් රථ 25 ක් පූර්ණ වශයෙන් රජයේ මූල්ය දායකත්වයෙන් ලබා දී ඇත.
දිනකට ලැබෙන දුරකථන ඇමතුම් සංඛ්යාව 5,000 ඉක්මවන අතර, දෛනිකව රෝගීන් 1,050 කට අධික පිරිසකට සේවා සපයයි.
2026 වසර අවසන් වන විට මෙම සේවාව දිවයින පුරා පොලිස් ස්ථාන 400 ක් දක්වා ව්යාප්ත කිරීමට රජය සැලසුම් කර ඇත.
2016 දී ඉන්දීය ආධාර යටතේ ආරම්භ කළ මෙම සේවාවට මෙම වසරේදී වසර 10 ක් සපිරේ.