ගමේ දරුවාටත් නව ලොව දොරටු විවරයි: වවුනියාවේ පාසල් 41ක් ඩිජිටල් යුගයට පා තබයි! අනුර සමඟ රට පෙරට! රට පෙරට දැනුම සමඟ! යැයි සමුපකාර සංවර්ධන නියෝජ්ය අමාත්ය උපාලි සමරසිංහ මහතා පැවසීය.
ශ්රී ලංකාවේ අධ්යාපන පද්ධතිය නවීකරණය කිරීමේ තීරණාත්මක පියවරක් සනිටුහන් කරමින්, වවුනියාව දිස්ත්රික්කයේ දුෂ්කර පාසල් 41ක් ඉලක්ක කරගත් සුවිශේෂී ස්මාට් බෝඩ් (Smart Board) බෙදාදීමේ වැඩසටහනක් ආරම්භ විය.
සමුපකාර සංවර්ධන නියෝජ්ය අමාත්ය උපාලි සමරසිංහ මහතාගේ ප්රධානත්වයෙන් ක්රියාත්මක වූ මෙම ව්යාපෘතිය හරහා, නගරයට පමණක් සීමා වූ තාක්ෂණික වරප්රසාද ගමේ පාසල් දරුවා වෙතද සමීප කර තිබේ.
රුපියල් මිලියන 15.5ක දැවැන්ත ආයෝජනයකින් ක්රියාත්මක මෙම වැඩසටහනේ පළමු අදියර යටතේ වවුනියාව දකුණ අධ්යාපන කොට්ඨාසයේ පාසල් 30කට මෙම පහසුකම් හිමි වේ. මෙහි ඇති විශේෂත්වය වන්නේ සාමාන්යයෙන් යටිතල පහසුකම් සඳහා වෙන් කරනු ලබන දිස්ත්රික් සංවර්ධන අරමුදල්, රටේ අනාගතය බඳු දරු පරපුරේ තාක්ෂණික දැනුම වර්ධනය කිරීම වෙනුවෙන් සෘජුවම යෙදවීමයි. එක් සුහුරු පුවරුවක් සඳහා වැය කර ඇති මුදල රුපියල් මිලියන 1.4කට අධිකය.
මෙම නවීන තාක්ෂණික මෙවලම් හරහා සිසුන්ට අන්තර්ක්රියාකාරී (Interactive) ඉගෙනුම් අත්දැකීමක් හිමි වන අතර, ගුරුවරුන්ට ලෝකයේ නවීනතම ඉගැන්වීම් රටාවන් පන්ති කාමරය තුළට ගෙන ඒමට අවස්ථාව සැලසේ. මෙය හුදු උපකරණ බෙදාදීමක් පමණක් නොව, ගම්මාන පාසල් සහ නගරයේ පාසල් අතර මෙතෙක් පැවති තාක්ෂණික පරතරය අවම කරන ප්රායෝගික “ඩිජිටල් පාලමකි”.
රජයේ ඩිජිටල් අධ්යාපන ප්රතිපත්තිය ගම් මට්ටමට රැගෙන යමින්, වවුනියාවේ දරුවන්ට නව ලෝකය ජය ගැනීමට අවශ්ය මාවත මේ හරහා විවර වන බව බලධාරීන් පෙන්වා දෙයි. තාක්ෂණය සමඟ බද්ධ වූ මෙම අධ්යාපන විප්ලවය, හෙට දවසේ ගෝලීය රැකියා වෙළඳපොළ ජය ගත හැකි දක්ෂ තරුණ පරපුරක් බිහි කිරීමේ පදනම වනු ඇත.