ශ්රී ලංකාවේ අධිකරණ සේවයේ සුවිශේෂී භූමිකාවක් ඉටුකළ, ප්රායෝගික හා නීතිමය දැනුමෙන් සන්නද්ධ ජ්යෙෂ්ඨ නිලධාරියකු වන එස්. සතීස්තරන් මහතා නව මහාධිකරණ විනිසුරුවරයකු ලෙස අද (13) දින දිවුරුම් දුන්නේය.
ජනාධිපති කාර්යාලයේදී ජනාධිපති අනුර කුමාර දිසානායක මහතා අතින් මෙම පත්වීම් ලිපිය ප්රදානය කෙරිණි.
සතීස්තරන් මහතා යනු හුදෙක් විනිසුරුවරයකු පමණක් නොව, අධිකරණ පද්ධතියේ සූක්ෂ්ම ක්රියාකාරිත්වය පිළිබඳ ගැඹුරු අවබෝධයක් සහිත විශේෂ ශ්රේණියේ නිලධාරියෙකි. ඔහුගේ වෘත්තීය ජීවිතය පුරා ඔහු පෙන්වූ සුවිශේෂී හැකියාවන් රැසකි.
චාවක්කච්චේරී දිසා විනිසුරුවරයා ලෙස කටයුතු කරමින්, සංකීර්ණ නඩු කටයුතු අපක්ෂපාතීව සහ කඩිනමින් විසඳීමට ඔහු දැක්වූ දක්ෂතාවය නීති ක්ෂේත්රයේ ඇගයීමට ලක්විය.
නීතියේ අකුරටම හිස නමමින්, සාධාරණත්වය ඉටුකිරීම උදෙසා ඔහු ලබාදුන් තීන්දු, යුක්තිය පසඳලීමේ ක්රියාවලිය කෙරෙහි ජනතා විශ්වාසය තහවුරු කිරීමට හේතු විය.
අධිකරණ සේවයේ විශේෂ ශ්රේණියේ නිලධාරියෙකු ලෙස, නීතිමය දැනුමට අමතරව අධිකරණ පරිපාලනය සහ කළමනාකරණය පිළිබඳ ඔහු සතු පෘථුල අත්දැකීම් මෙලෙස මහාධිකරණ විනිසුරු ධුරය දක්වා ඔහුව ඔසවා තැබීමට බලපෑ ප්රධාන සාධකයකි.
රටේ උත්තරීතර අධිකරණ පද්ධතියේ වඩාත් වගකීම් සහගත තනතුරක් වන මහාධිකරණ විනිසුරු ධුරයට සතීස්තරන් මහතා වැනි අත්දැකීම් බහුල නිලධාරියකු පත්වීම, අධිකරණයේ ස්වාධීනත්වය සහ ගුණාත්මකභාවය ඉහළ නැංවීමට ලැබුණු විශාල ශක්තියකි.
නීතියේ ආධිපත්යය සුරැකීමට සහ මහජනතාවට කඩිනම් යුක්තිය ඉටුකිරීමට ඔහුගේ මෙම නව පත්වීම මහත් පිටිවහලක් වනු ඇතැයි විද්වත්හු අප මේ සම්බන්ධයෙන් කළ විමසීමක දී පැවසූහ.