මැද පෙරදිග යුද්ධ තත්ත්වය: ආහාර සැපයුම සහ මිල පාලනය පිළිබඳ විශේෂ රැස්වීම
කේ.ඩී. ලාල් කාන්ත සහ වසන්ත සමරසිංහගේ ප්රධානත්වයෙන් පාර්ලිමේන්තු සංකීර්ණයේදී විශේෂ රැස්වීමක් පැවැත්වෙයි
මැද පෙරදිග කලාපයේ පවතින යුද්ධ තත්ත්වය හේතුවෙන් ශ්රී ලංකාවේ අත්යවශ්ය ආහාර භාණ්ඩ සැපයුම සහ ආහාර සුරක්ෂිතතාවයට ඇති හැකි බලපෑම් කළමනාකරණය කර ගැනීම සඳහා විශේෂ රැස්වීමක් ආහාර ප්රතිපත්ති සහ සුරක්ෂිතතා කමිටුව විසින් පැවැත්විය.
රැස්වීමට කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල් කාන්ත, වෙළෙඳ, වාණිජ හා ආහාර සුරක්ෂිතතා අමාත්ය වසන්ත සමරසිංහ, අග්රාමාත්ය ලේකම් ප්රදීප් සපුතන්ත්රී සහ ජනාධිපති ජ්යෙෂ්ඨ අතිරේක ලේකම් කපිල ජනක බණ්ඩාර ඇතුළු අමාත්යාංශ ලේකම්වරුන් සහ කමිටු සාමාජිකයින් එක්ව සිටියහ.
රැස්වීමේදී අත්යවශ්ය ආහාර ද්රව්ය තොග සංචිතයක් පවත්වාගෙන යාම, උත්සව සමය සඳහා ආහාර ආනයනය සැලසුම් කිරීම, මිල උච්ඡාවචනයන් පාලනය කිරීම සහ කෘෂි නිෂ්පාදන සඳහා අවශ්ය ඉන්ධන සැපයුම ආරක්ෂා කිරීම පිළිබඳ අවධානය යොමු විය.
එමෙන්ම, පොහොර හා කෘෂි රසායන ආනයනයට අදාළ රටවල් විසින් සීමා දැරූ අවස්ථාවල කළමනාකරණය පිළිබඳ උපදෙස් ද මෙම රැස්වීමේදී දී ඇත.
කමිටුවේ මෙම විශේෂ රැස්වීමේ පියවර ශ්රී ලංකාවේ ජාතික ආහාර ආරක්ෂාව සහ මිල ස්ථායීතාවය ආරක්ෂා කිරීමට ඇති රජයේ අවධානය දැක්වීමකි.