.png)
ඉතිහාසයේ වැඩිම ඖෂධ නිෂ්පාදනය 2025 දී: SPMC වෙතින් පෙති සහ කරල් බිලියන 3.6ක් වෙළෙඳපොළට
කොළඹ: ශ්රී ලංකා රජය සතු රාජ්ය ඖෂධ නිෂ්පාදන සංස්ථාව (SPMC) සිය ඉතිහාසයේ දැවැන්තම ඖෂධ නිෂ්පාදන ඉලක්කය 2025 වසරේදී සපුරා ගැනීමට සූදානම් වේ. ඒ අනුව 2025 වසර තුළ පෙති සහ කරල් බිලියන 3.625 ක නිෂ්පාදනයක් වෙළෙඳපොළට නිකුත් කිරීමට සැලසුම් කර ඇති බව සෞඛ්ය හා ජනමාධ්ය අමාත්යාංශය නිවේදනය කරයි.
අමාත්ය වෛද්ය නලින්ද ජයතිස්ස මහතාගේ උපදෙස් පරිදි ක්රියාත්මක වන මෙම වැඩපිළිවෙළ යටතේ, මෙතෙක් මෙරට නිෂ්පාදනය නොකළ නව ඖෂධ වර්ග 05 ක් හඳුන්වා දීමට ද කටයුතු යොදා ඇත.
2025 වසරේ විශේෂිත ඉලක්ක:
නිෂ්පාදනය: පෙති සහ කරල් බිලියන 3.625 ක් (මෙය පසුගිය වසරට වඩා බිලියන 385 ක වර්ධනයකි).
නව ඖෂධ: Celecoxib Capsules 200 mg, Sitagliptin Tablets 100 mg, Methylprednisolone Tablets USP 4 mg, Folic Acid Tablets 400 mg සහ Montelukast Tablets IP 10 mg යන ඖෂධ වර්ග 05 අලුතින් නිෂ්පාදනය කෙරේ.
පිරිවැය ඉතිරිය: මෙම දේශීය නිෂ්පාදන හරහා රුපියල් බිලියන 27.6 ක මුදලක් විදේශයන්ට ගලා යාම වැළැක්වීමට අපේක්ෂිතය.
2026 සඳහා වන දැක්ම
රාජ්ය ඖෂධ නිෂ්පාදන සංස්ථාව 2026 වසර වන විට සිය නිෂ්පාදන ඉලක්කය පෙති සහ කරල් බිලියන 4080 දක්වා ඉහළ නැංවීමටත්, තවත් නව ඖෂධ වර්ග 10 ක් හඳුන්වා දීමටත් සැලසුම් කර ඇත. මීට සමගාමීව රත්මලාන ප්රධාන කර්මාන්තශාලාවේ කටයුතු පුළුල් කිරීමට සහ නව පරිපාලන ගොඩනැගිල්ලක් ඉදිකිරීමට ද පියවර ගැනේ.
ගුණාත්මකභාවය සහ ඇගයීම
රාජ්ය ඖෂධ නිෂ්පාදන සංස්ථාව මේ වන විට ඖෂධ වර්ග 70 ක් නිෂ්පාදනය කරන අතර, ඒවායේ උසස් ප්රමිතිය හේතුවෙන් පසුගිය වසරේ ‘National Business Excellence Awards 2024’ සහ ‘CNCI’ සම්මාන උළෙලවලදී රන් සහ රිදී සම්මානයෙන් ද පිදුම් ලබා ඇත.
දේශීය ඖෂධ අවශ්යතාවයෙන් සැලකිය යුතු ප්රමාණයක් මෙරටදීම නිෂ්පාදනය කිරීම හරහා ඖෂධ හිඟයට ස්ථිරසාර විසඳුම් ලබාදීම සහ විදේශ විනිමය ඉතිරි කර ගැනීම රජයේ මූලික අරමුණ වී තිබේ.
වාර්තාකරණය: මාධ්යවේදී නුවන් ප්රසන්න සුමනරත්න මාධ්යවේදී යොහාන් රසිඳු
ඕනෑම අයකුට 2026 ජනවාරි මස 20 දිනට පෙර ඔබගේ අයදුම්පත පිරවීමට හැක
සම්පූර්ණයෙන්ම නොමිලේ පුහුණුව! ජනමාධ්ය ආචාර ධර්මය සහ නවක සන්නිවේදක පුහුණු වැඩසටහන(Certificate in Introductory Media Communication Ethics) https://newsandimage.org/media-studies-training/
News and Image සංවිධානයේ වෙබ් අඩවියෙහි ඇති මාධ්ය අධ්යයන පුහුණුව යන ස්ථානයේ ක්ලික් කර එහි අදාළ අයදුම්පත පුරවා එහි සාමාජිකත්වය තහවුරු කරන්න. එමගින් ඔබට වැඩසටහනේ ලියාපදිංචි අයදුම්කරුවෙක් බවට පත්විය හැක.