නව තාක්ෂණයෙන් රට දියුණු කරන්නට තරුණ දායකත්වය ලබා ගන්නා වු නවතම වැඩසටහනකට ආණ්ඩුව පියවර ගන්නා බව ත්  නව පරිවර්තනයක් තුළින් රට ඩිජිටල් ආර්ථිකයක් කරා ගෙන යාමේදී දේශීය ව්‍යවසායකයින් සවිබල ගැන්වීමේ  ජාතික කාර්යය සඳහා  සියලු අංශ එකාබද්ධව කටයුතු කළ යුතු බව අග්‍රාමාත්‍ය ආචාර්ය හරිනි අමරසූරිය පැවසුවා ය.

කොළඹ දී පැවැති වැඩසටහනකට එක් වෙමින් මෙසේ ද කීවා ය .

5.1 මිලියන තරුණයින්ගෙන් නව රටක් – ව්‍යාපාරික මඟදර්ශන හා ඩිජිටල් පාසල් වැඩසටහන් ශක්තිමත් වෙනවා.

2024 වසරේදී ශ්‍රී ලංකාවේ ගෝලීය ව්‍යවසායකත්ව සතියට අනුව දිස්ත්‍රික්ක 25ක් පුරා වැඩසටහන් 207ක් ක්‍රියාත්මක කර ඇති අතර, ඔවුන්ට 20,000ට වැඩි පිරිසක් සහභාගී කර ගැනීමට හැකි වී තිබෙනවා.

ශ්‍රී ලංකාවේ ව්‍යවසායකත්ව සංස්කෘතිය පැතිරවීමේ සහ ප්‍රායෝගික පුරුද්දක් බවට පත් කිරීමේ ව්‍යාපෘතියේ දෘෂ්ටීකරණය වන සංඛ්‍යා ලේඛනයක් ලෙස දක්විය හැකියි.

2024 ගෝලීය නවෝත්පාදන දර්ශකය (Global Innovation Index) අනුව, ශ්‍රී ලංකාව ලොව රටවල් 132 අතර 89 වැනි ස්ථානය හිමිකර ඇති අතර මෙහිදී රට නවෝත්පාදන ප්‍රතිඵලය (innovation outputs) සම්බන්ධයෙන් සාපේක්ෂව හොඳ තත්ත්වයක පවතින අතර, නවෝත්පාදන පිළිසකරය (innovation inputs) වූ යටිතල පහසුකම්, ආයෝජන සහ පර්යේෂණ–සංවර්ධන පුෂ්ටිකරණය දුර්වල මට්ටමක පවතිනවා.

ලෝකයේ වැඩිහිටියන් සියයට 49 ක් ව්‍යාපාරයක් ආරම්භ කරන්නේ අසාර්ථක වීමේ බිය නිසාම ඉන් වැලකී සිටිනවා.

අගමැතිනිය සඳහන් කළේ මෙම සංඛ්‍යා දත්ත බලන විට පෙන්වෙන්නේ ශක්තිමත් උපදේශන ජාලයක්, දිරිගැන්වීම් හා ආරක්ෂිත ආරම්භක පරිසරයක් අවශ්‍ය වෙනවා.

2023 වසරේ ශ්‍රී ලංකාවේ වයස 15–29 තරුණ ප්‍රජාව මිලියන 5.1ක් (මුළු ජනගහනයෙන් 23.6%) ලෙස වාර්තා වී ඇති බවත් මෙය අති දැවැන්ත ජනවාර්ගීය වාසියක් බවත්, එහෙත් ප්‍රාග්ධනයට ප්‍රවේශය, මඟදර්ශනය අඩුවීම, සහ අවදානම් ගැනීමට ඇති අකමැත්ත වැනි බාධක තරුණ ව්‍යවසායකත්වය අඩාල කරනවා.

රජය විසින් සාමූහික කාර්යයෙන් යුතුව 30 දෙනෙකුගෙන් සමන්විත ඩිජිටල් කාර්යසාධක බලකායක් පිහිටුවා ඇති බවත් මේ යටතේ සියලුම පාසල් අන්තර්ජාලයට සම්බන්ධ කිරීම, ස්මාර්ට් පුවරු, පරිගණක හා ඩිජිටල් උපාංග ලබා දීම, 2026 මාර්තු වන විට ඩිජිටල් අධ්‍යාපන ප්‍රතිපත්ති රාමුවක් ඉදිරිපත් කිරීම ඇතුළු වැඩසටහන් ක්‍රියාත්මක වෙමින් පවතිනවා.

2026 ජාතික අයවැය මගින් තරුණ සහ නැගී එන ව්‍යවසායකයින් සඳහා රු. බිලියන 1.5ක ආරම්භක අරමුදලක් වෙන් කර ඇති අතර එමඟින් අරමුණු වී තිබෙනවා.

AI හා ක්ලවුඩ් පර්යේෂණ සඳහා අමතර ප්‍රතිපාදන, බ්‍රෝඩ්බෑන්ඩ් යටිතල පහසුකම් (Broadband vouchers) වර්ධනය,ආයෝජන දිරිගැන්වීම් වැඩිදියුණු කිරීම, ඩිජිටල් ආර්ථික පනත, ඩිජිටල් ආර්ථික අධිකාරිය, SL-UDI ඩිජිටල් හැඳුනුම්පත,ඒකාබද්ධ ඩිජිටල් ගෙවීම් පද්ධතිය, 2026–2030 සංවර්ධන මාර්ගසූචියේ ප්‍රමුඛ අංශ ලෙස යෝජනා කර තියනවා.

ජාතික ව්‍යාපාරයක් වෙත — සියලු අංශ එකුවිය යුතු යැයි ඇය කීවාය අගමැතිනිය අවධාරණය කළේ “රටේ සංවර්ධනය තුළ තනි ආයතනක් කැපවීමෙන් වැඩ හෝ ප්‍රතිඵල නො ලැබෙනවා.සියලු අංශ එකමුතුව, සම්බන්ධීකරණය වූ ජාතික ව්‍යාපාරයක් නැංවිය යුතුයි.