රත්නපුර ප්‍රදේශයේ ග්‍රාමීය මාර්ග සංවර්ධනයට කඩිනම් පියවර ගන්නවා.
#
සංවර්ධනය තිරසර අයුරින් සිදුකිරීමට සංවර්ධන කමිටුවක් සහ ආයතන කළමනාකරණ කමිටුවක් ස්ථාපිත කරනවා.
#
*රත්නපුර බහුවිධ ප්‍රවාහන මධ්‍යස්ථානයට සහ විකල්ප මාර්ග ව්‍යාපෘතියට සැලසුම් කඩිනමින්.
#
-ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍ය බිමල් රත්නායක මහතා
දිවයිනේ මාර්ග පද්ධතිය වැඩිදියුණු කර, පොදු ප්‍රවාහන සේවාව කාර්යක්‍ෂම කිරීමේ රජයේ වැඩපිළිවෙල යථාර්ථයක් කිරීම උදෙසා රත්නපුර දිස්ත්‍රික්කයේ සංවර්ධන ව්‍යාපෘති ක්‍රියාත්මක කිරීම පිළිබඳව නිලධාරීන් දැනුම්වත් කිරීමේ සාකච්ඡාවක් 2025.04.20 වන දින රත්නපුර නගරසභා ශ්‍රවණාගාරයේ දී පැවැත්විණ.
ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍ය සහ ශ්‍රී ලංකා පාර්ලිමේන්තුවේ සභානායක බිමල් රත්නායක මහතාගේ ප්‍රධානත්වයෙන් පැවති මෙම සාකච්ඡාවේ දී රත්නපුර දිස්ත්‍රික්කයේ මැතිවරණ කොට්ඨාශ සහ ප්‍රාදේශීය ලේකම් කොට්ඨාශ මට්ටමින් ග්‍රාමීය මාර්ග සංවර්ධන ව්‍යාපෘති ක්‍රියාත්මක කිරීම පිළිබඳ සාකච්ඡා කෙරිණ. එමෙන් ම දැනට අතරමග නවතා දමා ඇති රුවන්පුර අධිවේගී මාර්ගයේ ඉදිකිරීම් කටයුතු ආරම්භ කර කඩිනමින් නිමකිරීම, දුම්රිය මාර්ග ව්‍යාපෘතිය, බහුවිධ ප්‍රවාහන මධ්‍යස්ථානයක් ස්ථාපිත කිරීම සහ රත්නපුර නගරාශ්‍රිතව විකල්ප මාර්ගය සැලසුම් කිරීම ආදී සංවර්ධන ව්‍යාපෘති රැසක් පිළිබඳ ව මෙහිදී සාකච්ඡාවට බඳුන් විය.
මෙහි දී නිලධාරීන් ඇමතූ අමාත්‍ය බිමල් රත්නායක මහතා; “ඉදිකිරීම් සිදුකිරීමේදී මාර්ග සංවර්ධන අධිකාරිය, නාගරික සංවර්ධන අධිකාරිය, දුම්රිය දෙපාර්තමේන්තුව ඇතුළු රාජ්‍ය ආයතන ඒකාබද්ධ ව, යාවත්කාලීන තොරතුරු මගින් ව්‍යාපෘති සැලසුම් කිරීම හරහා නාස්තිය, දූෂණය නවතා ප්‍රමාදය අවම කර ගනිමින් සංවර්ධන ඉලක්ක ජයගත හැකි යි. මෙවැනි කටයුතුවලදී නිලධාරීන්ගේ කැපවීම ඉතාම තීරණාත්මක යි. ඒ වගේ ම ඒකාබද්ධ සංවර්ධන සැලැස්මක් ක්‍රියාත්මක කරන්නේ නම් අවශ්‍ය මූල්‍ය ප්‍රතිපාදන ලබාදීමට රජය සූදානම්. රාජ්‍ය සේවාවේ පවතින පුරප්පාඩු සඳහා ඉදිරියේ දී සුදුසුකම් අනුව බඳවා ගැනීමට කටයුතු කරනවා” යැයි පැවසී ය.
නිලධාරීන් කුමන දේශපාලන මත දැරුවත් රජයට එය ගැටලුවක් නොවන බවත්, ජනවරම අවබෝධ කරගනිමින් රට දිනවීමේ ජාතික වැඩසටහන සමග එක්ව කටයුතු කිරීම ඔවුන්ගේ වගකීම බවත් අමාත්‍යවරයා මෙහිදී වැඩිදුරටත් පැවසී ය.
මෙම අවස්ථාවට ජාතික ජන බලවේගයේ රත්නපුර දිස්ත්‍රික් පාර්ලිමේන්තු මන්ත්‍රී ජයන්ත සේනාරත්න, ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍යංශයේ ලේකම් ජ්‍යෙෂ්ඨ මහාචාර්ය කපිල සී. කේ. පෙරේරා, සබරගමුව පළාත් ආණ්ඩුකාරතුමියගේ සම්බන්ධීකරණ ලේකම් සුජාතා පල්ලෙතැන්න යන මහත්ම මහත්මීන් ද මාර්ග සංවර්ධන අධිකාරියේ පළාත්භාර අධ්‍යක්‍ෂ (සබරගමුව), ප්‍රධාන ඉංජිනේරු (රත්නපුර) සහ විධායක ඉංජිනේරු (රත්නපුර) ඇතුළු නිලධාරීහු රැසක් ද එක්ව සිටිය හ.
-මාධ්‍ය අංශය
ප්‍රවාහන, මහමාර්ග, වරාය සහ සිවිල් ගුවන් සේවා අමාත්‍යංශය
2025.04.20 *රත්නපුර ප්‍රදේශයේ ග්‍රාමීය මාර්ග සංවර්ධනයට කඩිනම් පියවර ගන්නවා.* ############### *සංවර්ධනය තිරසර අයුරින් සිදුකිරීමට සංවර්ධන කමිටුවක් සහ ආයතන කළමනාකරණ කමිටුවක් ස්ථාපිත කරනවා.* ########################## *රත්නපුර බහුවිධ ප්‍රවාහන මධ්‍යස්ථානයට සහ විකල්ප මාර්ග ව්‍යාපෘතියට සැලසුම් කඩිනමින්. ############### -ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍ය බිමල් රත්නායක මහතා දිවයිනේ මාර්ග පද්ධතිය වැඩිදියුණු කර, පොදු ප්‍රවාහන සේවාව කාර්යක්‍ෂම කිරීමේ රජයේ වැඩපිළිවෙල යථාර්ථයක් කිරීම උදෙසා රත්නපුර දිස්ත්‍රික්කයේ සංවර්ධන ව්‍යාපෘති ක්‍රියාත්මක කිරීම පිළිබඳව නිලධාරීන් දැනුම්වත් කිරීමේ සාකච්ඡාවක් 2025.04.20 වන දින රත්නපුර නගරසභා ශ්‍රවණාගාරයේ දී පැවැත්විණ. ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍ය සහ ශ්‍රී ලංකා පාර්ලිමේන්තුවේ සභානායක බිමල් රත්නායක මහතාගේ ප්‍රධානත්වයෙන් පැවති මෙම සාකච්ඡාවේ දී රත්නපුර දිස්ත්‍රික්කයේ මැතිවරණ කොට්ඨාශ සහ ප්‍රාදේශීය ලේකම් කොට්ඨාශ මට්ටමින් ග්‍රාමීය මාර්ග සංවර්ධන ව්‍යාපෘති ක්‍රියාත්මක කිරීම පිළිබඳ සාකච්ඡා කෙරිණ. එමෙන් ම දැනට අතරමග නවතා දමා ඇති රුවන්පුර අධිවේගී මාර්ගයේ ඉදිකිරීම් කටයුතු ආරම්භ කර කඩිනමින් නිමකිරීම, දුම්රිය මාර්ග ව්‍යාපෘතිය, බහුවිධ ප්‍රවාහන මධ්‍යස්ථානයක් ස්ථාපිත කිරීම සහ රත්නපුර නගරාශ්‍රිතව විකල්ප මාර්ගය සැලසුම් කිරීම ආදී සංවර්ධන ව්‍යාපෘති රැසක් පිළිබඳ ව මෙහිදී සාකච්ඡාවට බඳුන් විය. මෙහි දී නිලධාරීන් ඇමතූ අමාත්‍ය බිමල් රත්නායක මහතා; “ඉදිකිරීම් සිදුකිරීමේදී මාර්ග සංවර්ධන අධිකාරිය, නාගරික සංවර්ධන අධිකාරිය, දුම්රිය දෙපාර්තමේන්තුව ඇතුළු රාජ්‍ය ආයතන ඒකාබද්ධ ව, යාවත්කාලීන තොරතුරු මගින් ව්‍යාපෘති සැලසුම් කිරීම හරහා නාස්තිය, දූෂණය නවතා ප්‍රමාදය අවම කර ගනිමින් සංවර්ධන ඉලක්ක ජයගත හැකි යි. මෙවැනි කටයුතුවලදී නිලධාරීන්ගේ කැපවීම ඉතාම තීරණාත්මක යි. ඒ වගේ ම ඒකාබද්ධ සංවර්ධන සැලැස්මක් ක්‍රියාත්මක කරන්නේ නම් අවශ්‍ය මූල්‍ය ප්‍රතිපාදන ලබාදීමට රජය සූදානම්. රාජ්‍ය සේවාවේ පවතින පුරප්පාඩු සඳහා ඉදිරියේ දී සුදුසුකම් අනුව බඳවා ගැනීමට කටයුතු කරනවා” යැයි පැවසී ය. නිලධාරීන් කුමන දේශපාලන මත දැරුවත් රජයට එය ගැටලුවක් නොවන බවත්, ජනවරම අවබෝධ කරගනිමින් රට දිනවීමේ ජාතික වැඩසටහන සමග එක්ව කටයුතු කිරීම ඔවුන්ගේ වගකීම බවත් අමාත්‍යවරයා මෙහිදී වැඩිදුරටත් පැවසී ය. මෙම අවස්ථාවට ජාතික ජන බලවේගයේ රත්නපුර දිස්ත්‍රික් පාර්ලිමේන්තු මන්ත්‍රී ජයන්ත සේනාරත්න, ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍යංශයේ ලේකම් ජ්‍යෙෂ්ඨ මහාචාර්ය කපිල සී. කේ. පෙරේරා, සබරගමුව පළාත් ආණ්ඩුකාරතුමියගේ සම්බන්ධීකරණ ලේකම් සුජාතා පල්ලෙතැන්න යන මහත්ම මහත්මීන් ද මාර්ග සංවර්ධන අධිකාරියේ පළාත්භාර අධ්‍යක්‍ෂ (සබරගමුව), ප්‍රධාන ඉංජිනේරු (රත්නපුර) සහ විධායක ඉංජිනේරු (රත්නපුර) ඇතුළු නිලධාරීහු රැසක් ද එක්ව සිටිය හ. -මාධ්‍ය අංශය ප්‍රවාහන, මහමාර්ග, වරාය සහ සිවිල් ගුවන් සේවා අමාත්‍යංශය