හිතට දැනුණ සැකයක් නිසා කරපු දෙයක් මේක.
මම දැනට ඉන්නෙ මොරටුව, කොරළවැල්ල, ධර්මබන්ධු මාවතේ.
හරියටම 2015 / 02 / 20 හවස 04.24ට මම පොටවල් 04කට නවපු සුදු පොප්ලින් රෙදි කෑල්ලක් (පින්තූරය 1) අපිට නළජලය සපයන සැපයුමෙන් ඍජුව ගන්නා ටැප් එකකට සවි කළා රබර් ගැජමැටික් එකෙන්, වතුර පෙරෙන විදියට! (පින්තූරය 2)
හරියටම 2015 / 02 / 22 හවස 08.45ට මම ඒ රෙදිකෑල්ල ගලවලා බැලුවා. (පින්තූරය 3)
මේ අපි අපි දහස් ගාණක් එදිනෙදා පාවිච්චියට ජලය ගන්න නළ ජලයෙ තියෙන ‘මොනවා හෝ’ දේවල්. වැඩි කාලයකට නෙවේ, පැය 30කටත් අඩුවෙන් ජලය රළු සහ සාමාන්‍ය රෙද්දකින් පෙරුවම තියෙන දේවල්! මම දන්නෙ නෑ මේ තද දුඹුරු පාට ද්‍රව්‍ය මොනවද කියල. නමුත් ඒ ‘සෞඛ්‍යයට හිතකර’ දෙයක් නෙවේ කියල නම් 200%ක් විශ්වාසයි. මේ වතුර තමයි අපි බහුතරයක් දෙනා බොන්නෙ. ආහාර පිසින්න ගන්නෙ.
රටක බදු ගෙවන පුරවැසියො සහ ගන්නා ජල සැපයුමට මුදල් ගෙවන පාරිභෝගිකයො විදියට, අපිට අපේ සෞඛ්‍යාරක්ෂාව ගැන වගකීමක් තියෙනවා.
මම කියනවට නිකමට මේක කරල බලන්න ඔබේ ජල සැපයුමටත්!
ඇත්තටම මේ ගැන දන්න කෙනෙක් ඉන්නවද? එහෙම නැත්නම් අදාළ ‘ජල සම්පාදන සහ ජලාපවහන මණ්ඩලය’ හැර මේ ගැන කරුණු දන්වන්න විශේෂ ආයතනයක් හෝ නිලධාරියෙක් ඉන්නවද?
